Helgin

Það hefur verið í nógu að vasast um helgina.

Á föstudaginn komu New York farar í grill og Gettu betur og í gær var svo æskuvinkona mín, Tinna Lind að útskrifast sem leikkona. Hún tók skólann í nefið og brilleraði í prófunum eins og hennar er von og vísa. Svo dugleg:) Útskriftin var snilld, skemmtilegt partý í Iðnó þar sem við skókum rassa, Eva vinkona tróð karlmanni í kvenmannsjakka og afmælissöngurinn var sunginn fyrir Atla, bróður Tinnu.


Í dag var svo matarboð hjá fjölskyldu kallsins svo ég hef verið að éta alla helgina. María vinkona og nágrannakona kíkti líka í heimsókn með litla gullmolann sinn og við fengum að knúsa hann og klípa smá í hann. Algjör dúlla þetta barn!





Ég uppgötaði mér líka til ómældrar ánægju að ég get gert Hvítanessvipinn sem ættin hennar Evu vinkonu gerir gjarnan á mannamótum! Happy times...

Dömur fram í fingurgóma!

Vikan framundan lítur bara vel út, það er nóg að gera hjá mér þrátt fyrir vinnuleysið, til dæmis heimsóknir upp á göngudeild, aðrar heimsóknir sem ég hef lofað mér í, heimilisstörf, lærdómur og ýmis persónuleg erindi;)

Það er allt á réttri leið hjá mér, ég veit að sumum finnst kannski svolítið óþægilegt að hitta mig af því að þeim finnst þeir ekki vita hvað þeir eigi að segja eða segja ekki. Ég hef hins vegar ákveðið að vera ekkert feimin, ég nenni því ekki lengur. Svo ekki vera hrædd við mig ;)

Hafið það gott, dúfurnar mínar og farið vel með ykkur. Þakkið fyrir fólkið í kring um ykkur, traustir vinir gefa lífinu gildi

Knús og kossar á línuna