Mánudagur

Ég var að syngja í þremur fermingarmessum í gær. Hálf raddlaus og í vitlausri rödd miðað við bassaröddina mína. Svo hékk ég líka afar tignarlega í handriðinu í tveimur messum þar sem ég var orðin óþægilega völt vegna gífurlega mikils hita innandyra. Ég var ekkert ein um þessa yfirliðatilfinningu í kórnum, væri til í að heyra hvernig hann hljómaði! Það fór samt betur með mig heldur en vesalings fermingardrenginn sem steinlá á gólfinu. Eftirminnilegur fermingardagur..

Ekta mánudagur í dag. Ég er alveg rotin að inna sem utan. Þykist vera að læra en kem engu í verk. Þetta er vandræðaástand bara!!! Mig vantar vænt spark í rassinn. Helst ekki samt frá einhverjum í támjóum skóm, ég verð nefnilega að geta setið á rassinum. Erfitt að vera löt og geta ekki setið því þá fer ég að liggja..og þá fyrst er voðinn vís.

Eigið góðan dag

Eygló letistrumpur