Það er kominn hóll

Ég missti sjónar á jákvæðninni í gær og er bara búin að vera hundleiðinleg síðan þá. Ef einhver rekst á jákvæðni í óskilum þá á ég hana örugglega.

En svona er bara lífið, það eru ekki alltaf jólin, stundum kemur hóll. Það sagði allavega þýskukennarinn minn í gamla daga þegar við kvörtuðum undan leiðinlegum ritgerðum og skyndiprófum. Held að þessi merki maður hafi alveg hitt naglann á höfuðið. Núna eru jólin búin og kominn tími til að klöngrast upp á hólinn. Bara best að vera ekki í stuttu pilsi á meðan.

Það er allt á fullu og margt í gangi í hverju horni og því þarf að sinna. Þannig er það bara. Það er samt allt í lagi að hafa nóg að gera, gerir manni bara gott.

Góða helgi, dúfurnar mínar