Mér tókst að vera pensilínlaus í tvo daga áður en ég lagðist aftur í bælið með bullandi streptókokka og fékk því sterkari pensilínskammt. Þeir sem neyðast til að umgangast mig næstu daga verða því að sætta sig við áframhaldandi pensilínpiss og pensilínropa. Gaman að því.

Ég er komin í sveitina núna. Keyrði austur með símalandi unga aftur í og sneri mig úr axlarlið við að rétta svala aftur fyrir og fram fyrir sætið með reglulegu millibili.

Nóg af lærdómi hrúgast yfir mig. Hleðst raunar upp þar sem skipulagsleysi og eirðarleysi einkennir undanfarna daga. Ætli það sé lægð yfir landinu ?

Að lokum langar mig að kúka pínulítið á kerfið. Okkur hefur verið tjáð að sonur okkar þurfi mikla hjálp með málþroskann sökum heyrnarleysisins sem loðir við eyrnavesenið. Hann þarf tíma einu sinni í viku en vegna anna kemst hann ekki að. Við biðum í ár og komum honum þá að hjá talmeinafræðingi. Við höfum beðið í 3 vikur núna og þurfum að bíða í tvær í viðbót eftir næsta tíma.

Það er árs bið eftir öðrum talmeinafræðingi. Sweet.

Við eigum ekki heimilislækni. Hins vegar erum við á biðlista eftir slíkum. Það er svosem ekkert merkilegt nema fyrir það að við erum búin að vera á þessum biðlista síðan sumarið 2003.

Mér finnst við bíða svolítið mikið!