Já eitt og annað

Já ég er risin úr rekkju og kem því til með að mæta hraust en ekki veik til vettvangsnáms á morgun. Það verður fín tilbreyting. Hér á heimilinu geng ég undir nafninu ,,Pensilína" - gasalega lekkert en hæfir mér þó vel miðað við pensilínlyktina þegar ég kasta af mér vatni eða svo mikið sem ropa, þó settlega og dömulega sé.

Hér er ýmislegt verið að bralla, verkefnin bíða mín í hrönnum og annað verkefni sem ég segi ykkur frá seinna með tíð og tíma. Eða bara alls ekki, það fer allt eftir því hversu duglegt fólk verður að kvitta á næstu dögum eða vikum. Annars verð ég nú að segja að ég hef aldrei fengið svona mörg komment á jafn tilgangslausa færslu eins og þarna um daginn um gæjann í Vörutorgi.

Ég er á leiðinni út núna að ná í litla grísinn minn. Systir mín ætlar að koma með og borða nammi í bílnum með mér, mér til samlætis svo ég deyji ekki úr leiðindum á leiðinni.

Ég er búin að læsa albúmi og vefdagbók litla pjakks, hef engan áhuga á því að barnaperrar séu að skoða myndirnar af honum. Ekki vera feimin við að biðja mig um lykilorðið, allir sem þekkja okkur mega kíkja ;)

Hafið það gott og lærið ekki yfir ykkur, þið sem eruð í þeim pakkanum