Jólablogg

Svei mér þá, ég held að það sé komið að þeim tímapunkti þegar konfekt og kjöt fer að vætla út úr eyrunum á mér. Við fengum ógrynnin öll af konfekti í jólagjöf svo það er ansi handhægt að kíkja í kassana svona þegar maður er að hafa sig til í háttinn á kvöldin. Svona á milli mála, þið skiljið.

Mér verður samt alveg illt af tilhugsuninni um það að ég sé hér, umkringd jólaljósum og svo útbelgd af ofáti að ég lít út fyrir að vera komin nokkra mánuði á leið, á sama tíma og fólk sveltur úti í heimi.

Til hamingju með jólin, dúfurnar mínar og þakkið fyrir það sem þið eigið ;)