Módelblóð í æðum ? Tæplega..

Jólagjöfin til foreldra okkar hitti alveg í mark. Ekkert smá gaman þegar maður sér alveg greinilega að maður gaf eitthvað sem hitti í mark. Við systurnar fórum nefnilega saman í myndatöku fyrir jólin og færðum foreldrum okkar albúm með myndunum í jólagjöf. Merkilegt nokk þá voru myndirnar alveg ágætar þrátt fyrir að við værum eins og gínur í myndatökunni að sögn systur minnar! Já módelgenið er ekki öllum gefið, og við systur komumst að því að við erum ekki efni í næsta America´s next top model ef marka má hugmyndaleysið og stirðleikann í myndatökunni. Þetta var samt hörkugaman og það er fyrir mestu.