Ég er byrjuð í snilldar valáfanga. Hann er kenndur á laugardögum, sem er allt í lagi. Fínt að hressa sig svolítið við. Reyndar var ég alveg dauð úr þreytu síðast eftir allt fjörið. Við erum semsagt að læra um gildi leikja og hvernig færa megi leikinn inn í kennslu og skólastarf. Síðasta laugardag fórum við í fullt af leikjum, inni sem úti. Ég hafði svolítið gott af þessu þar sem ég þekkti engan í mínum hluta bekkjarins (skipt eftir stafrófsröð eins og alltaf...). Það var visst challence að sitja í fanginu á ókunnugu fólki og garga framan í það og svoleiðis..!

Fyrsti dagur á vettvangi var í dag. 7 vikur í fjörinu framundan. Ég var að skíta hjartanu í morgun (held reyndar að það sé ekki hægt en ef það væri hægt þá hefði ég örugglega skitið því). Byrjaði á því að villast og þurfti að hringja og spyrja til vegar. Nörd. Svo fór ég inn á vitlausa deild. Úff...meira nörd. Einn lítill sætur strákur uppástóð það að ég þyrfti að læra að skamma..þess vegna væri ég komin í heimsókn á leikskólann! Hehehehe.. engin ástæða til að skamma, þetta eru svo prúð og dugleg börn ;)

Ég er samt dauð úr þreytu eftir daginn. Komin úr æfingu, ekki alveg nógu góð í því að hlusta á mörg gjammandi börn tala við mig í einu..hehehe