Komin aftur

Jæja góðir hálsar, þá er ég komin aftur til manna, eða svona nokkurn veginn.

Ég veiktist og var lögð inn á spítala og hef legið þar í 6 vikur. Í gær komst ég loksins í svokallaðan dagstatus svo nú má ég lúlla heima en er á spítalanum yfir daginn. Næsta skref er svo útskrift og það gæti alveg farið að koma að því.

Já svona er það bara, stundum bara getur maður ekki meira. Ég var sennilega að vasast í of mörgu svo að á endanum hlaut eitthvað að gefa sig. Ég er á batavegi og farið að líða betur með góðri aðstoð frá fólki sem er svo sannarlega starfi sínu vaxið.

Í þessu ferli hef ég svo sannarlega fengið að finna fyrir því hvað ég á góða að, bæði ættingja og vini. Mig langar að þakka kærlega fyrir öll knúsin, kveðjurnar, gjafirnar og stuðninginn undanfarnar vikur.

Hins vegar gætu einhverjir hugsanlega hafa ákveðið að snúa við mér baki og þá er það bara eitthvað sem ég þarf að takast á við.

En í öðrum og aðeins hressilegri fréttum, þá er ljóðabókin mín loksins komin út og er fáanleg hér hjá mér:) Hún kostar 2000 kr þar sem fjárhæðin fer beint til bókaforlagsins-maður verður víst að selja upp í kostnað ;) Ef þið viljið kaupa bók (plíís..hehe) hafið þá endilega samband við mig í meilinn minn eða í gemsann, vil ekki blasta númerinu hér á blogginu.

Góðar stundir, dúfurnar mínar og munið að knúsa hvert annað og spreða ekki óþarfa orku í neikvæðar hugsanir.

Eygló