Leti.is

Allt verður skemmtilegra í góðu veðri.

Við mæðginin erum bara tvö í kotinu á meðan kallinn er í vinnunni. Við höfum það ansi náðugt þó að samviskubitið hvísli því að mér að við ættum að vera úti að njóta veðurblíðunnar. Það er á stefnuskrá dagsins að reka nefið aðeins út og teyga að sér sumarloftið þrátt fyrir að húsmóðirin á bænum sé hnerrandi eins og brjálæðingur þessa stundina. Frjókornin eru alveg í essinu sínu mér til mikils ama.

Allir búnir að fjárfesta í bók ? Þ.e þeir sem það vilja ? Ég er búin að vera að senda í póstkröfu og svo fór ég með nokkrar á Borgarbókasafn í gær vegna eftirspurna. Eftirspurna? Hvað er málið með það? Hehe..amma og afi hafa örugglega farið í bókasafnið og spurt til að bústa upp egóið hjá barnabarninu sínu...

Ég hef annars ekkert merkilegt að segja í dag. Ég ætla bara að halda áfram að vera í letikasti með erfðaprinsinum í smá stund í viðbót. Ahh svo gott að vera latur stundum.