Fjögur ár

Litli spidermanstrákurinn minn er orðinn fjögurra ára! Mér finnst svo stutt síðan ég sat hlæjandi í verkjamóki á gólfinu á fæðingardeildinni og gat ekki skriðið aftur upp í rúmið :) .....já..það er skondin saga og alveg dæmigerð fyrir nördaskap minn og seinheppni. En hey..svona er ég bara af Guði gerð!

Afmælisdagurinn fór vel fram og prinsinn var hinn sáttasti þó veislan sjálf væri búin. Hann er afar stoltur af því að vera orðinn fjögurra ára og finnst hann ekki vitund lítill lengur þó að mamman vilji gjarnan eiga lítinn strák aðeins lengur. Gullkornin eru sum alveg óborganleg. Hér koma þrjú dæmi:

Ísak: Mamma..þú ert eins og nashyrningur

Mamma: Ha? Er ég eins og nashyrningur??

Ísak: Já

Mamma: Af hverju segirðu það ?

Ísak: Æ mér bara finnst það... :p

Takk elskan..hehe

Ísak: Mamma.. ég elska þig

Mamma: *Bráðn* ég elska þig líka rosa mikið

Ísak: (Ákafur) Ég elska þig meira en mótorhjól!

Vá..takk..hehe

Ísak: Ég sagði oft bossi í hvíldinni í dag

Mamma: Ha? af hverju ?

Ísak: Bara..mig bara langaði það

Hann hefur það ekki frá mér!

Dagarnir hafa annars bara verið ljúfir hér í Mýrinni, ég hef haft nóg fyrir stafni, sinni mínum verkefnum samviskusamlega og mæti þangað sem mér er sagt að mæta eins og hlýðinn hvolpur. Þess á milli treð ég ís og hamborgurum í andlitið á mér með Maríu vinkonu. Voða gott að eiga vinkonu í fæðingarorlofi þegar maður sjálfur er heima í veikindafríi..aumingja María fær allt mitt beint í æð. Svo er ég líka orðin ,,stóra frænka" hans Birnis Smára sem er by the way svo gullfallegur og yndislegur og finnst skemmtilegast í heimi að kúka þegar hann er í fanginu á mér:) Ísak kallar hann litla bróður..hehe greinilega orðinn úrkula vonar um að fá systkini! ;)

Já...anyhow..ég er að leka niður eftir bæjarrölt dagsins með Maríu og syni svo ég ætla að segja þetta gott í bili þangað til ég hef eitthvað merkilegt að segja.

Knús á línuna- verið góð við ykkur

Glóda stóra frænka