Við erum svo rík!

Sjáið bara hvað þetta eru falleg börn! :) Ég er allavega ofsalega ánægð með þau, bæði tvö. Ísak er að rifna úr monti og vill allt fyrir litlu systur gera. Hann hefur til dæmis það hlutverk á heimilinu að taka bleyjurnar, setja þær í bleyjupoka og henda þeim í ruslarennuna og tekur hann þetta hlutverk sitt mjög alvarlega að sjálfsögðu. Ef hún grætur er hann fyrstur á staðinn til að athuga hver orsökin er og hvort henni sé ekki örugglega sinnt. Svo ábyrgur strákur :)





Sú stutta er vær og góð, veit ekkert betra en að kúra á brjóstinu, hvort sem hún er að drekka eða ekki, og svo er vaggan líka að koma sterk inn hjá henni. Á milli þess sem hún sefur og drekkur, horfir hún á okkur með spekingslegu augunum sínum, bara krúttleg.







Já lífið í Mýrinni er alveg dásamlegt þessa dagana og við njótum þess að vera saman öll fjögur og læra inn á þennan nýja einstakling. Ég verð að segja að ég er afskaplega ánægð með að eiga tillitssamt fólk sem gefur okkur "speis" til að vera í smá næði svona á meðan brjóstagjöfin og öll rútína í kringum bæði börnin kemst á full swing.

En jæja, nú er lítil þyrst dama að vakna og mál að kveðja að sinni

Knús, Eygló sem svífur enn um á bleiku skýji