Síðasta mæðraskoðunin !

Jæja, þá er síðasta mæðraskoðunin búin- ég allavega fékk ekki nýjan tíma hehe og vona að þetta fari að koma !

Mæðraskoðunin gekk vel, blóðþrýstingurinn reyndar farinn að stríða mér aðeins meira, ljósan sagði að það væri greinilegt að líkaminn minn væri orðinn þreyttur.

Í ljós kom að ég er með mjúkan legháls og tæpa 3 í útvíkkun. Ljósmóðurinni tókst meira að segja að pota í kollinn á litlu dömunni sem hristi bara höfuðið við þessa truflun. Hún er samt ennþá óskorðuð en allar líkur á að hún pompi niður í grindina þegar vatnið fer. Legbotninn er að lækka full mikið á milli vikna svo ég á tíma í annan vaxtarsónar á morgun, vonandi kemur það allt vel út. Legbotninn var 38 fyrir viku en var kominn í 36,5 núna, hafði líka lækkað síðast. Það er pínu furðulegt í ljósi þess að daman er ekki að skorða sig. En þetta er líklega ekkert til að hafa áhyggjur af, hún vildi bara vita hvort að vatnið væri að minnka og hvort lillunni liði ekki örugglega vel.

Ljósan hreyfði svo við belgnum og það var ekki gott..jæks. Nú vonast ég bara eftir verkjum. Ef ég fer ekki í gang þá er það gangsetning á næstu dögum. Hún sagði að það yrði líklega ekkert fyrr en á mánudaginn, jafnvel seinna!!!!!! Fer eftir því hvort ég kemst að því það er víst svo mikið að gera. Hún sagði að ég ef yrði ekki sett í gang á mánudaginn yrði það mónitor á hverjum degi þangað til ég færi í gang eða yrði sett af stað.

Ég sem hélt að konur væru ekki látnar ganga meira en 2 vikur framyfir! Fokk! Anyways..við sóttum vögguna til ömmu minnar og afa áðan (amma var að sauma utan um vögguna og þau eru að fara erlendis á morgun ásamt allri fjölskyldunni minni) og keyptum flass á fínu myndavélina okkar svo nú er bara allt reddí held ég. Vonandi kemur barnið bara um helgina..sendið mér hríðarstrauma!