Ennþá Barbapapa

Rosalega finnst mér gaman til þess að hugsa að fólk sé að fylgjast með blogginu mínu og sé spennt með mér. Það lætur manni bara líða eins og pínu celebrity muhaha.

Takk fyrir öll skemmtilegu kommentin, elskurnar mínar, og takk fyrir sms-in og símhringingarnar líka ;) Ég mun senda sms þegar krúslan fæðist og setja inn bloggfærslu við fyrsta tækifæri líka.

Nú er ég semsagt gengin 3 daga framyfir og allt með kyrrum kjörum. Ég fékk reyndar verki í gærkvöldi sem stóðu svolítið fram á nótt en svo datt allt í dúnalogn svo ég sofnaði og vaknaði verkjalaus. Maður bara vonar að þetta hafi samt gert eitthvað gagn.

Ég fór í mæðraskoðun í morgun og það lítur allt vel út, blóðþrýstingurinn reyndar orðinn í hærra lagi og kominn bjúgur en það er svosem eðlilegt svona alveg undir lokin. Ég er búin að þyngjast helst til lítið að mati ljósunnar en þetta sleppur alltsaman, ég verð þá bara vonandi fljótari að ná af mér Barbapapa-lúkkinu eftir fæðingu. Talandi um Barbapapa- ég er skuggalega lík honum í dag í bleika kjólnum mínum. Og þetta var ég bara að fatta rétt í þessu ! Svei mér þá!!

En já..allavega. Ég fékk tíma hjá ljósmóðurinni eftir viku...heila viku. Og ef ég verð ekki farin af stað fyrir þann tíma sagðist hún ætla að reyna að gera eitthvað til að ýta á eftir henni. Þá á hún væntanlega við að panta í gangsetningu og ýta við belgjunum.

Allir hríðarstraumar vel þegnir - ég fíla ekki hríðir en ég fíla afraksturinn svo þetta er á sig leggjandi !