Ó ljúfa líf!

Allar einkunnir eru í höfn og ég fékk þrjár 9 og eina 8 og ég er sátt :D Útskrift eftir 8 daga og þá fæ ég gráðuna mína!

In other news þá var þetta þvagprufumál nú meira ruglið. Eftir að ég fór með nýju þvagprufuna í ræktun (þessa sem svo var send upp á spítala..eða átti að vera send þangað) beið ég í viku án þess að fá nokkur svör. Svo hringdi ég í morgun og fékk þá þau svör að það yrði engin ljósmóðir við fyrr en eftir viku! Næs. Nújæja, eftir dúk og disk fæ ég símaviðtal við hjúkku sem tjáir mér það að þvagprufan sé týnd!! Great. Þá er ég beðin um að ná í nýja beiðni, skila nýrri prufu og fara með hana sjálf niður á sýkladeild. Mín ekki sátt.

Nú mamma kippti í taumana og spjallaði við ljósu sem spjallaði við aðra ljósu svo úr varð að ég fór í heimsókn á meðgöngudeild. Þar kom í ljós að sýkingin er farin og líkaminn hefur því bara unnið á henni sjálfur, voðalega er ég dugleg :) Hins vegar kom það í ljós að ég er með næringarskort og orðin þurr..og ég skil ekki hvernig það getur gerst!

Svo ég er búin að borða fullt, fullt í kvöld.. ;)

Semsagt- sýkingin er farin og ekki þörf á neinum sýklalyfjum, ég þarf bara að borða og drekka og drekka og borða..og ég massaði skólann og útskrift á næsta leyti. Ég get ekki annað en verið bara nokkuð sátt og ánægð með lífið!