Hreiðurgerð og Hello Kitty

Jæja, ég er hætt að pirrast yfir stóru rassalaga dældinni á bílnum okkar og pappírarnir eru farnir frá okkur svo nú er bara að bíða og sjá. Ég vona að þessi pappírsmál gangi upp því annars þarf ég líklega að fara að tína dósir í miðbænum um helgar. Ekki alveg draumurinn en einhvern veginn verður maður að bjarga sér, ha!

Allt gott að frétta héðan annars, ég er bara að dóla mér heima og þykist alltaf ætla að taka til en það verður eitthvað lítið úr því samt. Þetta gerist ekki að sjálfu sér og ég skil bara ekkert í því! Það vantar alla svona "hreiðurgerð" í mig. Mér finnst allar konur tala um þetta hreiðurgerðartímabil en ég hef eitthvað farið á mis við það. Eins upplifði ég aldrei "blómatímabilið" sem átti að vera á milli ógleðinnar og þreytunnar. Þetta rann allt saman hjá mér svo ég er búin að vera þreytt og mygluð og ljót from day one hehe. Það bara tilheyrir stundum og ég get alveg lifað með því.


Meðgangan gengur annars bara vel kannski fyrir utan almenna þreytu og stirðleika og satanískan brjóstsviða sem EKKERT slær á. Það er alveg sama hvað ég geri og hvernig ég er, ég er alltaf með brjóstsviða og mikið ferlega er ég orðin leið á því *pirrrrr*.


Mamma var að koma frá útlöndum og auðvitað með fullan poka af fallegum fötum á bæði börnin okkar. Takk mamma :* Mamma varð samt svolítið smeyk þegar ég sagðist samt ætla að taka með okkur blátt dress upp á fæðingardeild til vonar og vara híhí. Maður veit jú aldrei. Hvíti pííínulitli Hello Kitty skokkurinn kemur samt líka með og "daman" okkar fer í hann ef hún er ekki með tippi.