Veikindabras

Jæja... best að halda aðeins áfram að tuða og kvarta og kveina..

Ég fór í mæðraskoðun á þriðjudaginn og það kom eiginlega bara allt illa út úr henni..lucky me. Þar sem ég er með einhverja plúsa í þvagi þurfti ég að trilla með þvagprufu á heilsugæsluna snemma morguninn eftir..ógilega gaman! ;) Mér fannst ég vera að viðra hundinn minn nema ég þurfti ekki að taka með mér kúkapoka fyrir pissuglasið mitt. Sweet.

Í dag hringdi svo ljósan og það ræktaðist fullt af stöffi í þvaginu, og svo einhver dularfull blóðkorn sem spítalinn er að rannsaka núna. Jibbí kóla. Plan helgarinnar er því hvíld og vatnsdrykkja og rólegheit og eitthvað svoleiðis leiðinlegt.

Nú jæja..við skelltum okkur í BabySam í gær til að versla óróa..og þetta var sko tilraun númer tvö svo það sé á hreinu. Þegar við vorum nýkomin inn í búðina tekur litli stúfurinn upp á því að æla yfir sjálfan sig og pabba sinn og í ruslatunnuna í búðinni ! Namm!! Svo ekkert varð úr verslunarleiðangrinum í þetta sinn.. við ætluðum líka að koma við annars staðar og kaupa skúringagræjur en það hefur frestast líka tvisvar. Spurning um að vera ekkert að fara í búðir..hmm.

Nú er litli prinsinn nýbúinn í sturtu og liggur undir sæng, horfir á Mikka mús og borðar ís, orðinn brattur og fínn. Mamman liggur inni í rúmi með tærnar upp í loft og lætur sér leiðast..og bloggar ;) það væri fínt að vera í sumarbústað núna því þá gæti ég allavega talið kvistana í loftinu!