Jæja, þá er afmælisdagurinn minn að renna sitt skeið þetta árið. Skottan kom ekki í dag og leyfði mér því að eiga minn dag í friði ;) en nú má hún líka alveg fara að láta sjá sig, allir dagar í boði núna :)

Ég hef átt góðan dag, feðgarnir hafa stjanað við mig og svo kom fullt af fólki í heimsókn þrátt fyrir að ég hafi ekki ætlað að halda upp á afmælið. Eins gott að Anton var búinn að fara í bakaríið ;) Ég fékk fullt af peningum og smá föt líka og er mjög ánægð með það. Á morgun ætla ég að fara og kaupa mér ný gleraugu fyrir hluta af peningunum og svo verður afgangurinn af afmælispeningnum og útskriftarpeningar notaðir í að endurnýja fataskápinn þegar lillan verður komin úr bumbunni. Ekki slæmt það.

Við þrjú fórum svo út að borða undir kvöldið með mömmu og pabba og Lísu og Kidda og það var mjög gaman. Semsagt fínn dagur og ég er södd og sæl með daginn.

Og takk fyrir allar sætu kveðjurnar! Ekkert smá gaman að fá svona mörg komment og sms og símhringingar :)