Skóli og fréttir

Góðan dag

Og enn snjóar. Og ég nenni ekki út í þetta veður. Svosem ágætt þar sem ég þarf að læra og læra og læra aðeins meira. Djöfull getur það samt orðið þreytt! Ég var í skólanum í gær í einungis 13 og hálfan klukkutíma. Vel úldin þegar ég kom heim. Nú er ég komin aftur í skólann, nema hvað. Skemmtilegt kvöld framundan..

En in other news þá þarf ég ekki að þegja lengur. Voða er það gott. María, mín kæra vinkona ætlar að vera samferða mér á meðgöngunni og koma með kríli í haust. Kannski verður það stelpa til að leika við stelpuna mína ! Svo sumarið lofar góðu.. við eigum eftir að geta étið ís með góðri samvisku í sólinni..og svo get ég arkað með vagninn og hún með bumbuna..og að lokum getum við arkað saman með vagnana og stóru strákana okkar í eftirdragi.

Já þetta verður gaman..enn og aftur til hamingju, mín kæra og krúttlega María :)