Hvatvísi eða framtakssemi ?

Á laugardaginn fórum við í bíltúr, litla fjölskyldan og enduðum inni í húsgagnabúð. Við komum út þaðan 10 mínútum síðar, þá búin að kaupa sófa og stól! Á sunnudegi fór gamli, risavaxni sófinn í nytjagám Sorpu og gamla þrekhjólið (sem var hvort eð er orðið að fatastand fremur en æfingatæki) fékk að fljóta með. Í kvöld kemur nýji sófinn í hús og mikið hlökkum við til :) Þá verður loksins eitthvað pláss í stofunni okkar! Jibbí dibbí deiiii.

Næst á planinu er að kaupa ísskáp og losa okkur við borðstofuborðið en það er seinni tíma vandamál. Við höfum 5 1/2 mánuð til að búa til pláss í litlu íbúðinni. Þetta reddast..gerir það það ekki alltaf ?

Þetta er afar ólíkt okkur. Við fórum nefnilega á rúntinn til að skoða fjölskyldubíl og þegar við komum heim vorum við búin að kaupa sófa. Á góðum díl samt.

Og nei. Við skítum ekki peningum.