Ég tek þetta í nefið

Ég sit í skólanum og þykist vera að læra með nokkrum vinkonum mínum og bekkjarsystrum. Við erum samt aðallega að háma í okkur sælgæti og hjakka í sömu línunum aftur og aftur. Það verður samt að taka viljann fyrir verkið og gefa okkur plús fyrir viðleitnina. Come on - við erum allavega að reyna!



Frekar leiðinlegur dagur í gær og afleitt kvöld en ég nenni ekki að ræða það frekar. Í dag er nýr dagur og allt lítur betur út í dag. Ég tek þetta á hælinn, það er ekkert annað í boði !


Ég er hress og kát í góðra vina hópi. Ég spjara mig :)


Það er sól í dag og litla gullið hennar Maríu vinkonu sefur hér við gluggann hjá okkur. Hann er svo mikið yndi, get ekki einu sinni lýst því hversu fallegur og yndislegur hann er ! Hann starir á okkur með stóru bláu augunum sínum, brosir og hjalar, drekkur þegar hann er þyrstur og leggur sig þegar hann er þreyttur...ekkert flókið líf.

Ég væri stundum alveg til í að fá að vita hvað þessi litlu kríli eru að hugsa. Svo væri ég líka stundum alveg til í að vera lítil eins og hann Birnir Smári ,,minn" , það fer svo hrottalega vel um hann í kerrunni ;)



En ég vil ekki skipta. Það er gaman að vera til :)



Elskið friðinn og strjúkið kviðinn - pís át

Glóda