Lúðaskapur..endalaus lúðaskapur

Eins og alla þriðjudaga, var ég uppi á spítala í gær.

Konan í afgreiðslunni, fúl eins og vanalega, afgreiddi mig frekar fálát á meðan ég góndi út í loftið í eigin heimi eins og mér einni er lagið. Skyndilega heyri ég rödd segja ,,Hver er kennitalan þín?" Mér fannst svolítið spes að hún skyldi allt í einu ekki finna kennitöluna mína en byrja samt sem áður að þylja upp kennitöluna mína með hárri raust. Þegar ég er búin með fyrrihlutann stynur konan : ,,ehh..nei..sko hún var að spyrja.." og bendir á samstarfskonu sína sem er að tala í símann. Ó meeeen. Hversu mikill lúði er hægt að vera ? Að vísu örlaði fyrir brosi á vörum frúar Fúlu svo þetta var ekki alveg til einskis.