Fari það í heitasta!

Örfá skipti á ári komumst við öll þrjú á sama tíma austur á æskustöðvar mínar. Það bregst hins vegar ekki að ef við reynum að fara, þá kemur alltaf eitthvað uppá. Algengasta hindrunin er færðin. Töskurnar standa hérna tilbúnar, sá stutti var orðinn spenntur og allt..en þá hringir tengdapabbi- allt blint á heiðinni! Hann ráðlagði okkur að fara ekki. Mig bara dreplangar! Langar heim og borða kjötsúpuna hans pabba,skoða gamla herbergið mitt(eða það sem eimir eftir af því) og bara labba um plássið. Við ætluðum meira að segja að taka skemmtilegu spilin með okkur og þessi ferð var sko plönuð fyrir langalöngu.
Þetta er svo fúlt að mig langar að blóta!

*blót*blót*

Ég man líka eftir því að hafa lagt af stað austur á þorrablót með sparifötin hangandi í bílnum og allt ready þegar heiðinni var lokað á nefið á okkur.

Ég er að hugsa um að kaupa mér snjóruðningstæki, flugvél og riiiiisastóran jeppa fyrir barnabæturnar.... haldið þið ekki að ég eigi smá afgang eftir það fyrir bland í poka til að maula á leiðinni? ;)

Enn og aftur blót af stærstu gerð og njótið helgarinnar! Ég ætla að sitja inni í fýlu.