Ég sat ásamt bekkjarfélögum mínum undir miklum reiðifyrirlestri kennara í gær. Þegar tímanum var lokið og við vorum búin að fá að heyra allt um það hversu ömurleg við værum og hversu erfitt þetta yrði fyrir okkur, gengum við út með höfuðverk og magapínu og sumir jafnvel eilítið fölir á að líta.
Í dag er hins vegar öldin önnur..þennan reiðifyrirlestur fáum við bara einu sinni til tvisvar í viku og nú er vika í þann næsta ;) Eins gott að njóta þess að anda á meðan!

Ég sveiflast svolítið á milli þess að finnast ég vera í leikskóla eða virtum háskóla..svo misjöfn eru fögin á þessari önn-maður er ýmist að vinna að þungum verkefnum þar sem einn punktur má alls ekki skolast til, eða vinna verkefni sem eru svo óljós og út um allt og öllum er alveg sama :) Það er bara fínt að hafa fjölbreytni í þessu...

Jæja...kallinn minn í vinnunni og sonurinn á leikskólanum og kominn tími á mig að fara í skólann að læra smá ;)

Tsjá
Eygló