Helgin

Það hefur gengið eitthvað erfiðlega að læra um helgina, enda svosem búið að vera nóg að gera. Bóndadagurinn var náttúrulega á föstudaginn og ég sendi Ísak í pössun og bauð Antoni mínum út að borða. Maturinn var vondur og þjónustan léleg en það var samt gaman að komast út að borða bara tvö saman.

Svo átti Anton 25 ára afmæli í gær. Við fengum okkur súkkulaðihúðuð jarðarber og kökur og svona sukkerí í tilefni dagsins og svo eldaði ég kvöldmatinn.. eyddi öllu kvöldinu í eldhúsinu. Við vorum svo södd eftir matinn að bæði eftirmaturinn og allt nartið sem ég ætlaði okkur að borða fyrir framan sjónvarpið, var enn ósnert í eldhúsinu þegar við vöknuðum í morgun !

Í dag fór ég með skrilljón kassa í geymsluna hjá Lísu systur, ég var að ganga frá fötum sem stubburinn er vaxinn upp úr,veitti ekki af.

Ísak er að reyna að venjast því að hafa parket, hann rennur á rassinn í tíma og ótíma en finnst þetta samt gasalega smart eins og von er ;)

Í nótt verður það bara bleksterkt kaffi og lestur út í eitt. Ég verð að gefa þessari önn sjens þó hún hafi ekki byrjað neitt sérstaklega glæsilega hjá mér :/

Meira seinna